Wala na sang may nagapabilin sa quarantine facilities sang probinsya. Isa na man lang ang yara sa Covid designated hospital sa Cadiz.
Pero, padayon ang pagbantay sang probinsya karon nga may na record na ang omicron variant sa pungsod.
Manubo man ang kaso karon sang Covid – 19 sa probinsya, suno kay provincial administrator, Rayfrando Diaz, maga pabilin sa ila nga mga tagsa ka assignment ang mga staff ilabi na nga gina monitor ang masunod nga duha ka semana.
Tuga man sang paghalog sang restrictions kag nag holiday pa gina patuman ang monitoriing sa mga kaso.
As of January 3, sa report sang Provincial Incident Management Team, 177 ang active Covid 19 cases sang Negros Occidental. Samtang, padayon ang kampanya sang probinsya sa bakuna.
As of January 2, may 13 ka mga banwa kag siudad nga may masobra pa sa 25,000 sa ila nga target population ang dapat nga mabakunahan.
Sa December 18 nga report sang probinsya masobra sa 714,000 ang dapat nga mabakunahan sang bisan isa lang ka dose. Positibo naman si Diaz nga malambot ang target nga herd immunity sa bulan sang Pebrero.