Ginbuksan sang probinsya ang tatlo na ka mga healing facilties sini sa Silay, Cadiz kag banwa sang EB Magalona.
Ini sa tunga sang pagsaka sang Covid-19 cases sa probinsya. Pinaka madamo ang yara sa Silay nga masobra sa 100 karon. 195 naman ang new cases nga na-record sang Provincial Incident Management Team sa January 24 nga report sini.
2,143 naman ang active cases sa amo nga report. 118 percent naman ang admission sa Covid designated hospital sa Cadiz base sa record sang Department of Health.
Paathag ni provincial administrator Rayfrando Diaz ini natungod nga wala pa nag-reflect sa DOH ang pag gamit sang annex building sang Cadiz Hospital nga may yara sang 90 bed capacity.
Sa kabilugan 102 ang na – admit sa Cadiz District Hospital nga may 188 nga total bed capacity. Kalabanan sa na admit mga pasyente nga kuntani naga kinahanglan sang lain nga medical attention pero natukiban nga sila ang positibo sa virus.
Nalakip na diri ang mga nag bata nga mga pasyente. Ang ila nga mga kondisyon moderate kag manageable. Wala man gani sang pagsaka sa demand sang oxygen.
Covid Positive Health Care Workers
Samtang, nagdangat na sa 94 ang mga health care workers sa nagkalain lain nga mga ospital sa probinsya ang nag Covid positive, base sa record, Martes sang aga.
Sa January 25, 6 pm, nga report sang Teresita Lopez Jalandoni Provincial Hospital sa Silay, 63 ang nag positibo sa virus kag 38 ang naka quarantine rason nga may pila ka mga services sini ang apektado.
Ang ospital na lamang sa Hinoba-an suno kay Diaz ang wala sang may na report nga nag Covid postive sa mga staff sini. Pero padayon naman ang regular services sang sini nga mga ospital magluwas ang sa Silay.