Gin-lift na sang Regional Task Force Kanlaon ang suspension sa pagsulod sa 6km extended danger zone.
Suno sa Office of the Civil Defense, as of June 26, pwede na liwat maka sulod ang pinili nga mga pumuluyo sa 6km EDZ humalin las 6 sang aga tubtob las 4 sang hapon para sila ang maka antender sa ila nga mga pananum kag kasapatan.
Base sa DOST PHIVOLS Kanlaon Volcano Bulletin humalin las 5 sang aga sang June 25 tubtob sini nga adlaw, apat na lamang ka volcanic earthquakes ang na record.
Ang sulfur dioxide flux naman 2,382 ka tonelada sa kada adlaw base sa June 25 nga datus. Ang plume nagataas sang 500 meters kag moderate ang emission.
May yara man sang padayon nga degassing kag ini padulong northwest.