Presyo sang baboy sa mga merkado sa Negros Occidental ang estable sa karon.
Suno sa Office of the Provincial Veterinarian may naga kaigo nga supply.
Sa September 18 nga report sang Provincial Veterinarian sa kay Governor Eugenio Jose Lacson, 295 pesos ang na record pinaka mahal nga kilo sang baboy sa merkado kag in isa Pontevedra kag La Carlota.
Pinaka barato naman sa Hinoba-an – 210 pesos ang kilo.
Suno kay Dr Placeda Lemana ang provincial veterinarian, nagnubo ang kadamuon sang baboy nga napa gwa gikan sa probinsya bangud sang pag cancel sang Bureau of Animal Industry sang Certificate of Free Status sa mga baboy gikan sa La Carlota, Valladolid, Kabankalan kag Pontevedra tuga man sang damlag pa ASF cases sa Negros Occidental.
Para tigayon nga maka pa gwa sang baboy dapat may yara sang RAS ukon Recognition of Active Surveillance kag subong ang Sipalay City man lamang ang may yara.
Ini ang rason nga may nagakaigo nga supply sang baboy sa Negros Occidental labi na ang lilitsonon. Ang na ship out nga baboy sang bulan sang Agosto, 3,216. Sang July 4,142 ini.
Gina dispose man sang mga hog farmers ang ila nga mga baboy kasunod sang pagsaka sang presyo sang live weight nga naga dangat sa 165 pesos ang kilo.
Sang Agosto yara ini sa 135 tubtob 140 pesos ang kilo.