Average nga presyo sang baboy sa merkado ang nagbarato sa lima ka pesos ang kilo.
Pero nagapabilin sa gihapon nga mahal ang presyo sang baboy.
Sa January 8 nga monitoring sang Office of the Provincial Veterinarian, may pinaka mahal nga kilo sang baboy sa merkado ang Bago City – 380 pesos, may pinaka barato naman ang Don Salvador Benedicto – P 275 pesos.
Nagbarato man sa lima ka pesos ang average nga presyo sang baboy bangud man sa pagnubo sang demand kay natapos na ang holidays, suno kay Dr Placeda Lemana mahal sa gihapon ang kilo sang baboy.
“Ang pork diri sa Bacolod wala man nag barato, 370 per kilo gihapon. (bale nagnubo ang presyo sa merkado pero mahal gihapon?) yes. Kay ara man gihapon sa 360 – 370 per kilo. May ara gihapon amo na na price”, suno kay Lemana.
Kay may mga naka sugod na sentinelling kag gina paabot nga may restocking sa second quarter mahimo nga sa amo pa nga tion maga nubo ang presyo sang baboy.
Samtang nanaog naman sa 180 pesos ang kilo sang live weight sa karon.