May nagakaigo nga supply sang itlog sa probinsya. Ini ang ginklaro sang Provincial Veterinary Office kasunod man sang na monitor nga may pila ka mga baligyaan nga wala sang may gina baligya nga itlog.
Suno kay Dr Placeda Lemana, ang OIC-Provincial Veterinarian, sa ila nga monitoring ang natungdan nga baligyaan ang naga kuha sang ila nga supply sang itlog gikan sa area nga nalakip sa banning nga gina patuman kasunod sang pag hugot sang pag bantay sa mga pwerto tuga sang kaso sang bird flu.
Kun lokal lamang nga supply ang paga basehan suno kay Lemana may naga kaigo nga supply. Naga pa gwa ang probinsya sang 2.4 million ka table eggs sa kada bulan.
Ginkasugtan nga unahon anay ang lokal nga kinahanglanon antes pa man mag supply sa iban nga lugar ang probinsya, gani mapun-an sini ang gina supply man nga itlog sang Iloilo kag Capiz nga nalakip sa gina patuman nga ban. Sa report ni Lemana sa gobernador may minimal nga saka sa presyo sang itlog subong gikan sa .04 tubtob .07 sentimos sa kada bilog.