Provincial Veterinary Office ang naga pahanumdom sa mga naga sagod sang kasapatan nga karon nga tig-ululan mas maayo nga mahatagan sang nagakaigo nga pag tatap ang mga mga gina sagod.
Suno kay Dr Ryan Janoya, Chief, Animal Health and Meat Inspection, dapat hatagan sang naga kaigo nga shelter ukon ilistaran ang mga gina sagod nga sapat agudto indi man sila mabasa sang ulan kag mag masakit.
Kun matugnaw ang panahon siguraduhon man nga may proteksyon sila.
Dala sang pag ulan tuga sang habagat may pila ka mga reported nga kasapatan nga nag kalamatay dala sang malain nga panahon.
Suno kay Janoya, sa 4th District kun sa diin sakop ang Bago, La Carlota kag Pontevedra may nag kalamatay nga manok, pato kag mga kanding.
Masobra man sa 10,000 pesos ang balor sang nagkalamatay nga kasapatan.
“I-make sure gid naton nga ang aton kasapatan may appropriate nga shelter, nga may panaguan nga safe nga indi sila mabasa sang ulan kag may proteksyon sa matugnaw nga hangin”, suno kay Janoya.