Hugot nga pagbantay sa mga border sa Negros Occidental kag Oriental ipatuman sang probinsya kasunod sang ASF cases sa Valencia sa Negros Oriental.
Maga patuman sang spot checking sa border sang Negros Occidental kag Oriental sakop sang Brgy Masulog sa banwa sang La Castellana kag Canlaon ang Provincial Veterinary Office.
Kun mag market day ang Canlaon City suno kay Dr Placeda Lemana, provncial veterinarian indi malikawan nga may naga lusot sa Occidental.
Ang bantay sa border sang Hinoba-an kag Kabankalan ang 24/7 na suno kay Lemana.
Suno kay Lemana, nagapabilin ang executive order sang gobernador nga naga ban sang pagsulod sang baboy gikan sa mga ASF infected areas nga naga lakip sang Negros Oriental, mga lugar sa Luzon kag Cebu.
Ang ASF cases sa Valencia kaso sang re-emergence, bangud sang nagligad nga tuig may outbreak man sang ASF sa amo nga banwa kag tigayon nga na contain paagi sa culling suno kay Dr Alfonso Tundag, quarantine officer sang Bureau of Animal Industry sang probinsya.
“May bantay na ta diri, ga spot check ta kay indi gid adlaw-adlaw nga naga bantay ta sa Masulog. Gina spot check ta lang kun during market days sang Canlaon bala may posting kita didto. May checkpoint kita didto”, suno kay Lemana.