Bitbit ang search warrant may angut sa illegal possession of firearms, nagpadulong ang katapo sang Candoni PNP sa Purok Panacmalan, Barangay East sa banwa sang Candoni, Negros Occidental kagab-i.
Wala naabtan sang kapulisan ang 42-anyos nga subject sang search warrant.
Apang narekober sa iya balay ang isa ka homemade caliber .38 revolver kag apat ka mga bala.
Base sa report sang Candoni PNP, ang search warrant ang gin-issue ni Judge Rodney Magbanua sang Regional Trial Court, Branch 61 sa Kabankalan City.
Gindala ang mga nakumpiskar nga pusil kag mga bala sa Negros Occidental Provincial Forensic Unit.