Unanimously approved sang katapo sang konseho ang anum ka bulan nga suspension kontra kay Barangay 16 Punong Barangay Joseph De los Santos nga napamatbatan guilty sa kaso nga grave abuse of authority,grave misconduct,serious dishonesty kag conduct prejudicial to the best interest of the service.
Suno kay Councilor Israel Salanga nga nagserbe presiding officer sa session sang konseho kahapon, ginpanubo sa anum ka bulan ang 10 ka bulan kuntani nga recommendation for suspension sang committee on laws and ordinances batuk kay Delos Santos kag barangay secretary nga si Rachel Jamandre.
Ang kaso ang ginpasaka sang katapo sang barangay council matapos gin alegar gin peke sang mga akusado ang 2021 annual budget resulta nga na delay ang hatagay honoraria, sweldo kag iban pa nga benipisyo sang mga tagreklamu pati na diri mga trabahador sang barangay.
Gintinguhaan nga makuhaan sang pahayag si Delos Santos pero indi siya mancontact sa cellphone kag wala man siya sa ila puluy an.
Humalin pa sang 2020 nga nagreklamu ang mga barangay staff kag workers upod sa ila mga barangay kagawad bangud kalabanan sa ila binulan nga wala makabaton sang sweldo.
Ginalauman sang katapo sang barangay council ang pagtalana sang Department of the Interior and Local Government kay Kagawad Stella Dela Pena bilang acting punong barangay agud tigayon nga ma release ang nadelay nga honoraria,sweldo kag mga benepisyo sang mga barangay workers.