Sunod-sunod nga lupok ang nabatian sang mga residente sa nabukid nga bahin sang Barangay Kansumandig sa banwa sang La Libertad, Negros Oriental, Miyerkules sang kaagahon.
Matapos ang pila ka minuto, nasapwan na lang nga nagahigda sa dalan kag wala na sang kabuhi ang biktima nga isa ka incumbent barangay captain sang Kansumandig sa La Libertad, Negros Oriental.
Nagwa sa imbestigasyon nga sakay sa iya motor ang incumbent barangay captain kag papauli na sa ila balay sang siya ang ginpatay.
Narekober sa crime scene ang tatlo ka mga empty shells sang .45 caliber, apat ka slugs kag isa ka cellphone.
Nagtukod ang Police Regional Office-Negros Island Region sang Special Investigation Task Group agud nga magatutok sa imbestigasyon.
Sa karon, wala pa sang identity kag motibo sa insidente.
[sibwp_form id=1]