Patay ang 61 anyos nga si Danilo Dautil, punong barangay sang Barangay Cabcab sa Isabela matapos ini ginluthang kagab-i sa amo man nga barangay.
Sa imbestigasyon sang PNP, papauli na kun tani ang biktima sakay sa iya nga motor sang siya ang gintiro sang ini ang maglabay sa lubak lubak nga dalan sa kampo.
Suno sa pulis, mahimo ginbantayan sang mga suspek ang biktima kag sila ang nagpanago lang sa katubuhan tubtob maglabay ang kapitan. Nadula man suno sa pulis ang dala nga bag sang biktima.
May gina tan-aw na karon nga motibo ang PNP sa pagpatay kay Dautil kag isa diri amo ang insurgency. Padayon ang imbestigasyon sang kapulisan.