Punong Barangay sa Bacolod nagpaidalom sa drug rehabilitation sang nagligad nga tuig.
Indi luyag ni City Anti-Drug Abuse Council Coordinator retired police general Primitivo Tabujura ang pagpangusisa sang Bacolod City Police Office angut sa mga barangay official nga ginakabig protector sang iligal nga droga.
Pero iya ginkumpirmar nga sang nagligad lang nga tuig, isa ka incumbent punong barangay halin sa numbered barangay sa Bacolod ang boluntaryo nga nagpaidalom sa drug rehabilitation program.
Ang wala ginhingadlan nga Kapitan ang nalakip na anay sa drugs watchlist sang otoridad.
Si BCPO Director Police Col. Joeresty Coronica nagpahayag nga ila gina validate ang barangay official nga gina-alegar protektor kag nagaduso sang iligal nga droga.
Ginpahayag ni Tabujara nga kabahin sang programa sang CADAC ang mabuhinan ang demand sang iligal nga droga paagi sa rehabilitation program.
Ini sa tuyo man nga mapabaskog ang drug clearing program sa mga kabarangayan.Yara karon sa 34 percent ukon may 22 ka mga barangay ang ginakabig drug cleared sa Bacolod.