Isa ka punong barangay kag pito ka mga kagawad sa isa ka barangay sa Calatrava ang gin-disqualify sang Commission on Elections bangud sang vote buying angut sa 2023 Barangay kag SK Elections.
Suno kay Provincial Elections Supervisor ang amo nga kaso dapat maga serbe nga paandam sa tanan labi na sa naga hilapit nga piniliay nga seryoso ang COMELEC sa kampanya sini.
Ang COMELEC Second Division ang nag disqualify kay Marcelo Barangay Captain Arnulfo Siblag Libodlibod kag sa pito ka barangay kagawad nga kanday Eddy Gustaman Monterde, Joel Cabilles Rosello, Hernane Montaño Cabugwas, Jeremias Caballero Diotay, Elmor Taghoy Marcelo, Richard Garcia Diotay kag Prescilla Marcelo Patajo base sa naka post sa page sang COMELEC.
Suno kay Ananoria sarang pa ma appeal ang kaso. Ang reklamo ang gin-file sa Manila suno kay Ananoria.
Nangin basehan sang reklamo ang pag distribute sang relief goods kag cash assistance sang mga respondent sa mga pumuluyo sang Marcelo.
Sa desisyon sang Second Division sang COMELEC may substantial evidence nga nakita angut sa vote-buying.
Magluwas sa disqualification case may pending pa nga election offense nga kaso rason man nga wala na si Ananoria nag patpat pa.
Sa karon naga pabilin sa pwesto ang walo kay indi pa man final and executory ang desisyon.
Mismo sa desisyon na mapatpat man kun ano ang matabo sa mabakante nga pwesto kasubong man ang succession.
Madamo pa sang pending nga kaso sa talatapan sang COMELEC suno kay Ananoria kag ini ang una nga kaso nga na aktuhan angut sa reklamo sa vote buying.