Nagpatigayon sang payout kagapon kag subong nga adlaw ang banwa sang Hinigaran para sa mga residente nga may totally-damaged houses matapos maglaslas si Bagyo Tino sadtong Nobyembre 4.
Base sa record sang Hinigaran LGU, 3,108 ka may mga totally destoryed houses ang makabaton sang bulig pinansyak nga kun sumahon masobra sa P9 Milyones tanan.
Suno kay Mayor Grace Arceo, gikan ang financial assistance sa P5 Million nga gin-grant sang Office of the President kag ang dugang nga pondo naghalin sa gin-realign nga items sa annual budget sang Hinigaran.
Dugang pa ni Arceo nga ang listahan sang mga benepisyaryo ang nagikan sa datos nga gin-submit sang tagsa ka mga barangay.
Ginklaro sang alkalde nga ang ginhatag nga financial assistance ang magluwas pa sa Emergency Cash Transfer Assistance sang Department of Social Welfare and Development nga gina-proseso sang national government para sa severely kag slightly affected families.