Patay ang 54 anyos nga custodial officer sang Mabinay Police Station matapos siya tiruhon Lunes sang hapon sa Barangay Lumbangan sa Mabinay.
Ang biktima amo si Police Master sargeant Jesseden Carriaga.
Sa imbestigasyon sang Mabinay PNP, si Carriaga ang gikan sa balay sang barangay kagawad kun sa diin may settlement nga gin patigayon sa tunga niya kag sa persona nga may utang sa iya.
Pag gwa sang pulis, gilayon na lang siya nga gin tiro sang makapila ka beses sang gunman nga naga angkas sa motor.
Lima ka basiyo sang Caliber 45 ang na recover sa crime scene.
Dead on arrival sa ospital ang pulis.
Ginatan-aw nga person of interest sang PNP sa karon ang persona nga iya man gin istorya sa gin patigayon nga settlement bangud sa may balayran pa ini nga P90,000 sa pulis.
Posible may kaangtanan man sa trucking business ni Carriaga ang motibo sa pag patay sa iya suno sa imbestigador bangud sa may problema ang suno sa imbestigador si Carriaga sa pila niya ka mga empleyado.
Padayon pa ang imbestigasyon sang PNP.