Isa ka pulis ang patay sa Sitio Ipil-ipil, Barangay San Roque, sa Bayawan City sa Negros Oriental matapos gintiro sang wala pa makilala suspek pasado las kwatro kaina sang hapon.
Suno sa kay CMsgt. Archer Birjes, imbestigador sang Bayawan City PNP papuli na si P/Cpl. Rey Ambo nga naga dala sang motorsiklo sang gintiro.
Gindala pa siya sa ospital apang gindeklarar nga dead on arrivel.
Ang biktima ang katapo sang 705th MC Regional Mobile Force Batallion 7 kag residente sang Brgy. Poblacion, Basay, Negros Oriental.
Padayon ang imbestigasyon sang PNP kun sino ang sa likod sang pagpaniro kag kun ano ang motibo sa krimen.
Nagpatigayon na sang hot pursuit operation ang Negros Oriental Provincial Police Office.