Patay ang isa ka pulis matapos tiruhon sang riding in tandem kahapon sa Rosario Street sa Barangay 38 sa Bacolod.
Ang pulis gin kilala nga si Staff Sergeant Joseph Nepomuceno nga katapo sang City Drugs Enforcement Unit sang Bacolod City Police Office.
Suno kay Police Major Ramel Sarona, hepe sang Police Station 1, gikan sa iya trabaho si Nepomuceno kag naga byahe sakay sa iya motor sang siya ang gin tiro sang riding in tandem nga naka jacket kag naka helmet kahapon sang hapon.
Ang biktima ang may igu sang bala sa iya guya, likod kag dughan nga amo ang gin tunaan sang iya kamatayon.
Posible may kaangtanan sa iya trabaho ang pag patay sa biktima suno kay sarona.
Padayon pa sa karon ang ila nga imbestigasyon.