Patay ang 28 anyos nga pulis nga si Patrolman Michael Cuanico matapos mabungguan sang tricycle ang iya sini nga motor sang domingo sa highway sang Barangay 5 sa banwa sang Isabela.
Sa imbestigasyon sang Isabela PNP, nag overtake sa iya gina sundan nga tricycle si Cuanico kag sang mag balik na sa iya nga lane, nag head on collision ini sa tricycle nga ginadala sang isa ka menor de edad.
Suno sa pulis, nag lapaw sa iya nga lane ang tricycle nga ginadala sang 17 anyos nga lalaki samtang naga liko sa kurbada nga dalan amo kun ngaa nabungguan sini ang motor sang pulis.
Gindala pa sa ospital si Cuanico pero wala na ini matabangan. Pilason man sa aksidente ang menor de edad nga karon gin turn over na sa DSWD.