Patay si Police Corporal Reden Ronquillo Agus, 31 anyos, sang ini ang makabunggo sa isa ka canter sa national highway, sa Purok Ipil-ipil, Barangay San Juan, banwa sang Pontevedra kaina sang kaagahon.
Ang pulis ang residente sa Sitio Panique, Barangay Hilamonan, siudad sang Kabankalan.
Ginkilala naman ang driver sang canter nga si Sony Simpas Elet. Sa imbestigasyon sang Pontevedra PNP, nagadalagan ang Mitsubishi Canter nga gimaneho ni Elet gikan sa Kabankalan padulong sa Bacolod sang nabunggo sa iya atubang ang motor nga gimaneho si Agus.
Nag agum sang mga pilas si Agus kag ginhingagaw pa nga dala sa Valladolid District Hospital apang gindeklara nga patay na sang duktor.
Ang biktima na-asign sa Ilo-ilo, apang nag-augment sa Bacolod MaasKara Festival sadtong Oktubre 6 tubtob 22.
Magapauli siya kuntani kaina sang kaagahon sa Kabankalan antes magbalik sa Ilo-ilo.