Liwat naman nga ginreklamo sa PNP si Police Staff Sergeant Ferddie Viñas matapos ini gina alegar nangkastigo sang isa ka taxi driver sa atubang sang iya sini lechonan sa dalan Araneta sa Barangay Singcang Airport sang nagligad nga semana.
Suno sa Police Station 8, naka park ang salakyan ni Viñas sang ini ang maisulan sang taxi driver.
Mangayo lang kun tani sang pasensya ang driver nga PWD suno sa pulis apang iya ini gilayon gin patup-an.
Ginpahayag naman ni NOCPPO spokesperson Lt. Judesses Catalogo na naglab-ot na sa ila igtalupangod ang natabo kag base sa ila pag usisa, ginpalab-ot naman sang tagreklamo sa Internal Affairs Service sang Provincial PNP ang ginhimo ni Viñas.
Sa karon ongoing man ang admin case batuk kay Viñas nga damlag pa gin reklamo sang iya tawo sa iya lechonan bangud man sa pagpangastigo.
Gintinghuaan sang Digicast Negros nga makuha ang bahin sang pulis ugaling wala siya malab-ot. Wala man ang NOCPPO sang contact number niya.