Nag positibo sa paraffin test si Patrolman Jeric Panganiban. Gin reklamo siya sang Martes matapos mag palupok sang armas sa iya gina lagas nga salakyan.
Suno kay Captain Elmer Bonilla, commander sang Police Station 7, nakitaan sang powder burns ang pulis nga resulta sang pag gamit sang armas.
Apang gin pahayag man ni Panganiban suno kay Bonilla nga iya gid man gin usar ang armas sa firing range.
May yara naman sa karon sang settlement sa tunga nanday Panganiban kag sa tagreklamo pero suno kay Bonilla, naga padayon ang motu proprio investigation sang PNP para sa admin charges batuk kay Panganiban.
Gin disarmahan siya kag karon restricted ang iya status.
Gin relieve man siya sa iya designation sa karon, kag siya ang gin re assign sa admin office sang Police Station 9.