Sa compund mismo sang Silay City Police Station nahaya karon si Police Corporal Jobert Diasanta nga napatay sang ma trap ini sa nagakasunog nga balay sang iya ginikanan sa Barangay San Fernando sa siyudad sang Talisay sa adlaw sang paskwa.
Sa Silay PNP na assign si Diasanta kag ginakasubo sang iya kaupdanan ang iya pagtaliwan.
Suno kay Major Jigger Gimeno, hepe ang Talisay PNP, si Diasanta ang gikan man mismo sa Silay PNP sang mag padulong ini sa balay sang iya ginikanan sa Talisay.
Nagakatulog lang sa kwarto si Diasanta sang matabo ang sunog las 5:30 sang kaagahun sang Disyembre 25.
Gin tinguhaan pa suno kay gimeno sang iya nga utod nga salbaron si diasanta ugaling napaslawan ini bangud sa dako na ang kalayo.
Ginpahayag man ni Gimeno nga base sa report sang BFP, posible napabay-an nga kandila amo ang gin tunaan sang sunog.
Wala pa man abi mabalik ang supply sang kuryente sa amo nga lugar sang amo nga tion suno kay Gimeno.