Ginreklamo kahapon sa Police Station 8 ang isa ka pulis matapos gin alegar nga gin kastigo ang iya empleyado nga si Rommel Lapore.
Ang gin reklamo nga pulis amo si Police Staff Sargeant Ferddie Viñas nga na assign sa Negros Occidental Police Provincial Office.
Si Viñas ang tag iya sang lechonan sa Barangay Singcang Airport kun sa diin naga trabaho si Lapore.
Suno sa hepe sag Police Station 8 nga si Major Joery Puerto, gin alegar ni Lapore nga gin kastigo ini sang amo nga pulis bangud sa nadugayan siya sa pag luto sang litson kag wala matapos on time ang pagluto gani naakig ang pulis.
Desidido nga pasakaan sang biktima sang kaso nga physical injury ang pulis.
Gin pahayag naman sang spokesperson sang NOCPPO nga si Lt Abegael Donasco, nga gin ako man sang pulis nga iya nasumbag si Lapore apang wala niya ini ginkastigo taliw-as sa gin alegar sang biktima.
Nagahulat naman lang siya suno sa kay Donasco sa karon sang kaso nga ipasaka batuk sa iya.
Gin advise man sa kay Lapore ang pag reklamo sa Internal Affairs Service sang PNP para sa administrative charges batuk kay Viñas.