Detained karon sa Police Station 7 si Jeric Panganiban matapos mag palupok sang iya nga service firearm kaina sang kaagahun sa dalan sa atubang sang Saint Vincent Village sa Barangay Alijis.
Si Panganiban nga na assign sa Police Station 9 ang gin reklamo matapos iya gin lagas ang pamilya sakay sa awto kag nag palupok ini sang armas.
Suno kay Captain Elmer Bonilla, commander sang Police Station 7, ginsita sang tagreklamo si Panganiban bangud yara ini sa tunga sang dalan kag naga tulod sang iya sini na aberiya nga motor.
Ginlagas suno kay Bonilla ni Panganiban ang awto kag nagpalupok sang pusil.
Nag aregluhanay naman suno kay Bonilla ang pulis kag ang tagreklamo pero sa gihapon siya ang paga imbestigaran sang PNP may angut sa indiscriminate firing gamit ang iya service firearm.