Humalin Hunyo 2, nagsugod na ang pag-operate sang National Police Clearance Services sang Bacolod City Police Office sa Bacolod Express Service Office ukon BESO nga nahamtang sa 3rd Floor sang Ayala Malls Capitol Central sa syudad sang Bacolod.
Nagatuyo ini nga maghatag sang madasig, convenient kag accesible nga government services sa publiko.
Sarang makakuha ang publiko sang police clearance humalin Lunes tubtob Biyernes, magluwas sa holidays.
Bukas sila sumugod las dies sang aga tubtob las singko sang hapon.
Ginsiling ni Police Major Junji Liba, head sang National Police Clearance Services sang BCPO, tanan ang pwede nga makakuha sang police clearance diri, residente man sang Bacolod ukon indi.