Nangin matawhay ang imbukada sang public hearing sa tunga sang mga residente kag barangay opisyales sang Barangay Banago kaupod ang mga city officials sang siudad sang Bacolod.
Gin-updan ni Vice Mayor El Cid Familiaran ang public hearing bangud kabahin sa mga ginakabalak-an sang mga residente amo ang mangin epekto sang ginadihon nga reclamation project sang kumpanya nga ginapanag-iyahan ni Councilor Vladimir Gonzalez.
Ang katapo sang konseho ang nag issue sang resolution of no objection sa reclamation project. Pero ginklaro na ni Familiaran nga wala nagakasayuran nga sa ila pag issue sang RONO pwede na mapatuman ang proyekto.
Ginsiling naman ni Gonzalez nga wala pa masuguran ang reclamation project samtang ginahikot pa sang Bacolod Reclamation Gateway Corporation ang mga kinahanglan nga permit.
Ang iya ginsuguran amo lang ang recovery project ukon ang pagtambak sang duta sa iya ginapanag iyahan nga propiedad nga yara sa kilid sang baybay sa Purok Bayanihan.
Ini ang wala pa sang RONO halin sa Barangay kag kabahin man sang mga gina reklamo sang mga residente sa lugar.
Sa amo nga public hearing na ungkat man ang mga problema sang mga residente nga nawad an sang ilistaran tuga sang demolition nga epekto sang ginpatuman nga development project sa Barangay Banago sang nagligad nga tinuig.
Nag inagaway pa sang micropono tubtob nga nagka tension sang gintuyo nga tapuson sang barangay ang hearing.
May mga pulis man nga amo ang nagpatunga kag nagpahagan hagan sang tension asta natapos ang hearing.