Ini ang sabat ni Daniella Villarosa sa pamangkot kun bala sarang pa mabalik ang yuhom sa City of Smiles sa pihak sang epekto sang pandemic… Gani napasa ang korona kay Kara bilang Miss Bacolod Masskara Universe 2022.
Ang 21 year old nga physical therapy student nalipay kag handa para magtiglawas sa natalana nga Miss Universe Philippines beauty pageant.
Si Kara amo man ang nakabaton sang awards nga best in Swimwear, Ms. Photogenic kag Best in Evening Gown.
Miss Bacolod Masskara World naman si Janine Gelera kag Miss Bacolod Masskara International si Jan Marie Bordon nga napili bilang best in talent.
1st Runner-Up ang Darling of Social Media nga si Eirine Granada nga magatiglawas naman para sa search for Mutya ng Pilipinas.
2nd Runner-Up si Sandale Masangcay nga maga tiglawas para Lin-ay sang Negros.
Napuno sang mga tumalan aw ang pageant night sa USLS kun diin nangin host sanday Miss Universe Philippines 2020 Charity Pauline Amelinckx kag Miss Universe Philippines 2020 4th Runner-up Billie Hakenson.
Chairperson sang kilala nga katapo sang board of judges naman si Miss Universe Philipines 2022 Celeste Cortesi.
Nagkalain lain ang nangin reaksyon sang mga tuamalan-aw sa performance sang rising star nga si Kyle Echarri kag Singer nga si Zack Tabudlo.
Gindayaw naman ni Mayor Albee Benitez ang kinse ka mga kandidata upod sa mga organizers sa isa nangin historic event sa pagbalik sa Masskara Festival sa Bacolod sa pihak sang epekto sang Covid 19 pandemic.
Si Benitez upod sa pila pa ka city kag provincial officials ang opisyal nga nagkorona sa mga nangin madinalag on nga kandidata sang Miss Bacolod Masskara 2022.