Shadow

Paghatag sang financial assistance para sa mga barangay para sa Masskara Festival aprubado sang SP sang Bacolod

Kaina gin aprobahan na sa session sang konseho ang kontrata sa tunga sang Bacolod Yuhom Foundation kag siudad sang Bacolod.

Gin ratify naman ang kontrata para sa financial assistance sang tatlo ka mga barangay nga magapasakop sa streetdancing kag arena competition.

Ginsiling man sang konsehal nga tanan nga mga kabarangayan nga magabaton sang financial assistance ang dapat mag-submit sang program of work kag liquidation para sa pondo nga halin sa siudad kag foundation.

17 tanan ka mga barangay nga magapaindis indis sa streetdancing kag arena competition ang magabaton sang tig P500,000 nga subsidy. Tig P350,000 naman para sa 13 ka mga barangay nga maga entra sa electric masskara competition.

Wala sang kwarta nga ihatag ang siudad sang Bacolod sa Bacolod Yuhom Foundation nga amo ang magadumala sang Masskara Festival karon nga tuig.

Ini magluwas lang sa P5.35M pesos nga pondo para sa financial assistance sang 30 ka mga kabarangayan nga magapasakop sa streetdancing kag arena dance competition kag electric masskara competition.

Pero suno kay Councilor Thaddy Sayson, pamuno sang committee on appropriations sang konseho, dapat nga itugyan sang foundation ang 40 percent sang mabilin nga surplus ukon kinitaan halin sa rental collections kag iban pa gikan sa MassKara Festival.

Sini nga semana ginapaabot nga ma release ang financial assistance para sa ila.

Secured By miniOrangeSecured By miniOrange