Gin-turn-over sang Philippine Statistics Authority ang datus nga ila natipon sa probinsya sang Negros Occidental.
Mismo ang pamuno sang PSA sa Negros Island Region, John Campomanes sa isa ka seremonya ang nag turn-over sang 2024 Community Based Monitoring System data kay Governor Eugenio Jose Lacson.
Suno sa gobernador ang CBMS data maga bulig sa probinsya sang pag hangup pa gid sang mga kondisyon sang komunidad, maka pat-od sang kinahanglanon sang mga sektor kag ano ang mga gaps nga dapat masabat sang gobyerno.
Dugang pa ni Lacson, ang amo nga mga statistics ang maga serbe nga basehan sa planning, budgeting, pag prioritize sang mga programs kag projects kasubong man pag evaluate kun bala ang mga ginpatuman nga tikang ang naka paayo gid man sa sitwasyon sang mga pumuluyo.
Ang governance suno sa gobernador ang dapat nabase sa facts kag kun ano ang matuod nga sitwasyon kag kun ano gid ang kinahanglanon sang mga Negrense.
Pero, wala naga pabilin sa datus lamang suno kay Lacson bangud importante nga mahangpan ang kahulugan sini. Rason nga gina haylo niya ang PSA nga maga padayon ang PSA sa paghatag assistance paagi sa orientation, trainings kag capacity building.*
[sibwp_form id=1]