Natumod na sang PNP kun sino ang tabuon ni Paul Angelo Diesto antes siya ginluthang patay sa Brgy. 31 siudad sang Bacolod sang nagligad nga Mierkules.
Ginpahayag ni Police Station 6 Chief of Police PMaj. Leo Estopa, may isa sila ka persona nga ginakabig person of interest nga ginatutukan nga amu ang ulihe nga naka-chat ni Diesto antis ini ginluthang.
Suno kay Estopa, nabasahan sa pagbaylohanay sang mensahe sang duha sa diin natalana sila nga magakit-anay.
Wala anay gin hambal ni Estopa kun ano ang rason sang pagkitaay sang duha.
Suno pa kay Estopa, gina-imbestigahan na man nila ang footage sang CCTV nga nahamtang sa lugar sang krimen.
Si Diesto ang nagikan sa ila nga puloy-an antis matabo ang krimen.