Provincial Veterinary Office ang naga-abiso sa mga hog raisers sa probinsya nga halungan ang mga gina sagod nga baboy labi na kun may pagbaha agudto malikawan ang natabo sa Batangas kun sa diin liwat natabo ang ASF outbreak.
Paathag ni Dr Placeda Lemana, ang Provincial Veterinarian, kun ang lugar wala pa fully maka recover kag may matabo nga pagbaha kaangay sa natabo sa Batangas, indi maliwakan ang madasig nga pag lapta sang masakit rason nga liwat natabo ang ASF outbreak.
Suno kay Lemana, ila na nga naabisuhan kag naapaandaman ang mga hog raisers labi na karon nga tig-ululan nga indi pagtugatan ang pagbaha sa mga tangkal sang gina sagod nga baboy labi na ang yadtong yara na sa re-stocking stage.
Nagapabilin naman ang banning sang probinsya sa pagsulod sang baboy kag karne sang baboy gikan sa mga lugar nga may yara sang ASF cases kaangay sang gikan sa Luzon, Mindanao, Cebu kag bisan pa Negros Oriental.
“Diri sa aton sa Negros gina pa alert ta gid na ang aton nga raiser nga kun tapos na sentinelling sila, kag naga re-stocking na sila, dapat alert gid sila nga ang ila tangkali indi gid maabot sang tubig (baha).
Once nga magbaha dayon may host ang virus which is the baboy kun may ara pa da sa palibot damo, may tapikan siya, mabalik gid na ya”, suno kay Lemana.