Ginklaro sang Provincial Veterinary Office nga wala sang ASF nga kaso sa Victorias City kag naga pabilin ang probinsya nga ASF Free.
May mga nag gwa nga impormasyon nga may kaso sang ASF, bagay nga ginhimutig ni OIC-Provnicial Veterinarian, Dr Placeda Lemana.
Suno sa iya ang kaso sa Victorias amo nga may nag masakit nga baboy pero ang resulta sang sample nga gin kuha diri ang negatibo sa African Swine Fever.
Suno kay Lemana, padayon ang pag patigayon sang surveillance sang probinsya angut man sa maid-id nga pagbantay sini konta ASF ilabi na nga may apat na ka mga banwa gikan sa kaiping nga probinsya sang Iloilo ang may ASF cases.
“Kundi naga conduct kita surveillance provincewide. So nagakuha samples, gina submit naton. So ang sa Victorias nga case part pa na sang surveillance ang pagkuha sang sample kay may nakita sila nga may naga masakit nga baboy, pero indi na siya ASF. Gin kuhaan nila sample for confirmation. So wala man. Negative man. Still ang negros is asf free”, suno kay Lemana.
Samtang, sini lamang gin paidalom ang apat ka mga pulis nga maga bulig sa pagbantay sa Banago Port sa orientation.