13 ka mga ido ang positibo sa rabies base sa datus sang Provincial Veterinary Office as of September 30.
Suno kay Dr Placeda Lemana, ang OIC-Provincial Veterinarian, 12 diri ang gikan sa nagkalain-lain nga mga banwa sang siudad sang probinsya kag isa naman ang gikan sa Bacolod City.
17 ang rabies cases sa kasubong nga tion sang 2021. Suno kay Lemana, daku ang bulig sang laboratory, bangud gilayon nga mapat-od kun ang naka kagat nga ido ang positibo sa rabies gani gilayon nga madapatan sang post-exposure treatment ang mga nakagat nga persona.
Suno kay Lemana, sa ila nga record wala sang may nakagtan sang ido nga nag postibo sa rabies gani labing importante ang ihibalo kun ano ang dapat nga himuon kun makagat sang sapat.
Sa record sang Provincial Health Office, 9 ang napatay bangud sang suspected rabies kag isa naman ang kumpirmado napatay bangud sang rabies.
Ini sila ang wala ukon ulihi na nag padulong sa mga animal bite treatment center suno sa PHO.
Padayon naman ang kampanya sang Provincial Vet bahin sa responsible pet ownership.
Sa karon 42 percent pa lamang sang target sa mga ido nga dapat mabakunahan ang tigayon nadapatan sang anti rabies vaccine, ukon sa masobra 218,000 nga dapat mabakunahan, 115,000 pa lamang ang nalab-ot.
Paathag ni Dr Lemana, isa sa gina atubang man nila karon nga pagpanghangkat amo ang kakulang sang rabies vaccine.