Sa tunga sang naga saka nga temperatura sa karon, Provincial Veterinary Office ang nag pa gwa sang Heat Wave Preparedness Advisory para sa mga pet owners.
Suno sa Provincial Vet importante nga mapangapinan ang safety kag ikaayong lawas sang mga hinuptanan.
Ang heat wave sarang maka butang sa mga hinuptanan sa risgo.
Kabahin diri amo ang pag pasiguro nga dapat ang mga hinuptanan may yara sa tanan nga tion sang may mainom nga matinlo nga tubig.
Ang dehydaration isa tutukan sa mainit nga panahon.
Magbutang sang madamo nga water stations sa palibot sang balay.
Dapat may mahandong kag kumportable nga matiniran ang mga hinuptanan.
Mag gamit sang fans ukon air conditioning.
Likawan ang mga outdoor activities sa tion nga naga tagiti ang init labi na kun adlaw na.
Dapat i-schedule ang mga dogwalks sa kaagahon ukon sa gab-i. Mainit sa mga dapa-dapa sang ido ang mga semento ukon aspalto.
Indi man dapat pag bayaan ang mga hinuptana sa salakyan, ang tuman nga kainit mahimo magtuga sang heatstroke.
Indi pagbayaan ang hinuptanan bisan pa nga ang mga bentana sang salakyan naka bukas.