Sa karon malayo nga magdangat sa 15 pesos ang bilog sang itlog sa probinsya sang Negros Occidental.
Ini suno kay OIC Provincial Veterinarian Dr Placeda Lemana nga nag paathag nga may naga kaigo man nga supply sang itlog sa probinsya. 80 tubtob 90 percent sufficient sa itlog ang Negros Occidental suno sa iya.
“Maka supply ang produce sa requirement naton diri sa Negros kag Bacolod. I think indi gid guro maka abot 15 pesos ang (itlog) base sa dalagan sang aton production”, suno kay Lemana.
Sini lamang nag gwa ang report nga mahimo magdangat sa napulo tubtob 15 pesos ang bilog sang itlog sandig sa pahayag sang Agricultural Sector Alliance of the Philippines.
Ini natungod sang pagmahal sang feed kag iban pa nga production cost. Sa monitoring sang probinsya sa July 11 nga report sini, sa average, sa small nga itlog, .02 centavos ang ginsaka, 15 sentimos naman sa medium sized nga itlog kag .05 naman sa large. Depende sa size naga halin sa 6.30 tubtob 8.38 ang presyo sang itlog sa average.
Samtang 5 pesos kag 85 sentimos naman ang ginsaka sa kada kilo sang manok sa amo nga report. Masobra sa 211 pesos ang average price sang kada kilo sang manok.
Ang mga inputs sa gihapon ang naga apekto sang pagsaka sang bili sang manok suno kay Lemana.