Shadow

Provincial Tourism Week opsiyal nga nagbukas

Capitol photo

Provincial Tourism Week kag Tourism Fair ang opisyal nga nagbukas sini nga Lunes.

Target sang Negros Occidental nga maka engganyo pa gid sang mga bisita para liwat makabalik bilang isa sa mga top tourist destination.

Antes ang pandemic, sunod sa Boracay, suno kay Provincial Administrator Rayfrando Diaz ang Negros Occidental sa may pinakamadamo nga gina baton nga bisita.

Kuntani maka balik liwat ang Negros Occidental sa amo nga status suno sa iya.

Dugang pa ni Diaz, isa pa gid sa tinutuyo karon amo ang pag incorporate sang responsibility para sa isa ka sustainable development. Ehemplo diri ang natabo sa Mambukal Resort and Wildlife Sanctuary kun sa diin magluwas sa leisure may pag pangapin sa dunang manggad.

Nagadala man sang economic recovery ang tourism pero, ang luyag nga matabo ni Governor Eugenio Jose Lacson suno kay Diaz amo nga ang ano man nga makuha gikan diri ang komunidad ang direkta nga maga benepisyo.

Amat-amat naman sa karon ang pag balik sang pagdamo sang naga bisita sa Negros Occidental.

Kadungan sang Provincial Tourism Week ang pagsalida sang mga nagkalain lain nga mga produkto sang mga banwa kag siudad sa Negros Occidental sa Tourism Fair sa Ayala Malls Capitol Central.

Secured By miniOrangeSecured By miniOrange