Padayon ang pagsaka sang kaso sang Covid-19 sa Negros Occidental, pati health frontliners ang naga kaigo na.
Nagpostibo sini lamang sa Covid -19 si Provincial Health Officer Dr Ernell Tumimbang.
Ginapatigayon sa karon ang contact tracing sa PHO suno kay provincial administrator Rayfrando Diaz. Gin postpone man ang naka schedule nga vaccination sa Negros Residences sini nga semana suno kay Dr Jessica Fama, medical specialist 3 sang PHO.
Suno kay Negros Occidental Governor Eugenio Jose lacson, pila ka mga medical techonologist kag encoder sa molecular laboratory sa Teresita lopez Jalandoni Provincial Hospital sa Silay ang na igo man sang virus rason nga may paghinay sa releasing sang resulta sa mga test karon.
Ang iban nga load sa testing ang gina patuhoy na suno sa gobernador sa molecular laboratory sa Valladolid.
Halos magdangat na sa 4,000 ang active cases sang Negros Occidental subong.
Sa monitoring sa mga kaso sang bulan sang Setyembre, humalin Setyembre 7 wala naga nubo sa 3 digit ang ma record nga bag-o nga kaso sang Covid-19 sa isa ka adlaw.
Pinaka mataas nga na record – 340 new cases.
Naga haylo ang gobernador nga mag pabakuna na ang wala maka pa bakuna labi na sa mga senior citizens.
Ang kalabaan nga mga na patay bangud sang Covid-19 suno sa iya wala mabakunahan.