Gin dis-allow sang Commission on Audit ang IBES bilang basehan sa pag hatag sang bonus sa mga empleyado sang kapitolyo probinsyal.
Ini suno kay Provincial Administrator Rayfrando Diaz nga nag siling nga sila ang nakabaton sang notice of disallowance bahin diri.
Sa 65,000 pesos nga gin hatag nga bonus sang kapitolyo sa mga empleyado sang Negros Occidental sang December 2021, 25,000 diri ang ginbase sa IBES ukon ang Incentive Benefit for Exemplary Service.
Suno kay Diaz, bangud sini sila ang maga pangita sang pamaagi nga sa gihapon makahatag sang nagakaigo nga bonus sa mga empleyado pero indi na pag gamiton ang IBES.
Sadto anay gina lantaw sang probinsya nga ang pag dis-allow sang COA sa IBES may kaangtanan sa Personnel Services Ceiling. Pero bisan pa nga ini ang ila na nakaayo sa gihapon gin dis-allow sang COA. Ang amo nga dis-allowance ang pending appeal suno kay Diaz.
Bisan pa sa nagliligad nga administrasyon, ang IBES ang gin dis-allow man suno kay Diaz kag ang desisyon sang Korte Suprema sa sini ang ginahulat pa.