Opisyal na nga nag sugod ang hinampang para sa Provincial Meet, pero klaro sang DepEd nga sila ang maga patuman sang precautionary measure sa tunga sang mataas nga heat index sa karon.
Suno kay Romeo Sison ang DepEd Negros Occidental Division Sports Officer, may mga 6,500 ka delegates nga naga lakip sang mga humalampang, mga coaches sang chaperone ang gina paabot gikan sa 13 ka mga delegation. Subong nga hapon nagbukas sa Panaad Stadium ang Provincial meet. Kay tungod nga tuman ka paang sa karon, ginpakamaayo nila nga ang mga outdoor games ang tubtob lamang sa las 10 sang aga kag maga resume naman las 2 sang hapon. Bwas gina paabot ang mas mainit nga heat index sa probinsya – 42 degrees celsius ang forecast sang PAGASA. Bwas man opisyal nga maga sugod sang hinampang. May 15 ka sport events sa Elementary kag 22 naman sa Secondary. May para games man. Suno kay Sison ang mga school heads nagpasiguro man sa mga eskwelahan nga magaserbe nga billeting areas nga nagakaigo nga ma teniran ini sang mga participants.
“May precautionary measures lang. Pero amo na ang advise naton sa outdoor games mahampang lang sila until 10am kag ma start sa hapon mga 2pm, nga indi na gid sakit. Anyway majority sang aton sport events indoor”, suno kay Sison.