Production sang kalamay sa tatlo ka una nga semana sang pagsugod galing ang nag nubo sa 96 percent.
Ini suno sa pamuno sang Sugar Regulatory Administration, Pablo Luis Azcona.
September 15 nagsugod galing sini nga tuig.
Sa una nga tatlo ka semana sang galing 5,645 metric tons ang na produce.
Kun ipa anggid sa kasubong nga tion sang 2023, 134,780 metric tons ang tigayon nga na produce.
Pag umpisa sang milling suno kay Azcona diutay lamang nga sugarcane organizations ang nag pa galing.
Paathag niya ang mga farmers ang indi pa handa bangud ang ila nga mga tubo ang naga tubo pa lamang, ukon may yara sang delay tuga sang epekto sang El Nino phenomenon.
Mga isa ka bulan tubtob sa duha ka bulan ang delay sa harvest kag milling gani gina paabot ang peak sang milling mahimo sa ulihi nga semana sang Oktubre ukon sa una nga semana sang Nobyembre.
Pero, klaro ni Azcona wala sang problema sa karon sa supply bangud tigayon na nga naka import sang refined sugar.
Ang total nga gin import 240,000 metric tons suno kay Azcona. Estable sa karon ang presyo kag supply sang kalamay.