Isa-isa nga ginpamatian ni Mayor Albee Benitez kaupod sang katapo sang task force pabahay ang mga problema kag tinutuyo sang nagkalain-lain nga grupo sang urban poor sector sa Bacolod sa ginpatigayon nga People’s Plan Presentation sa government center.
Nalakip sa ila ginpalab-ot sa alkalde ang problema may angut sa titulo sang gina-itaran nga duta kag iban pa nga legal issues nga luyag nila matagaan atensyon sa bulig sang siudad.
Dugang pa diri ang paghinyo nila sang technical assistance may kaangtanan man sa ginadihon nga housing project sang benitez administration.
Suno kay benitez magasapol siya sa mga natungdan nga ahensya agud mapalab-ot kag tigayon nga maaksyunan ang ginahinyo sang urban poor sector.
Lubos naman ang pagpasalamat sang grupo sa ginhatag nga atensyon sang siudad para sa ila luyag man matabo sa tion nga ipatuman na ang construction sang mga housing project sa madasun nga tuig.