Mga opisyal sang Iloilo City kag Iloilo province naga himo sang mga tikang para mapa hagan hagan anay ang pag biyahe sang mga taga Negros padulong sa Panay.
Sanday Iloilo Governor Arthur Defensor kag Iloilo City Mayor Jerry Trenas ang nag request sa Regional Inter Agency Task Force para i extend ang suspension sang biyahe gikan negros padulong sa Iloilo kag vice versa tubtob Hunyo kinse.
Suno kay Trenas samtang gina hulat ang desisyon sang riatf, may mga tikang na sila nga gina himo para mapa hagan hagan ang pagdamo sang kaso sang Covid-19.
Dugang pa niya, bangud napaidalom pa sila sa modified enhanced community quarantine nag issue sila sa g quarantine pass sa mga pumuluyo para limitahan ang ila nga giho. Ang mga madakpan nga naga biyahe nga wala sang travel pass ang i detain.
Samtang indi man anay pagtugtan ni Defensor ang non essential travel gikan sa Negros Occidental padulong Iloilo sumugod Hunyo kwatro.
Mga APOR, OFW, kag retruning residents lang ang tugutan nga makasulod sa probinsya sang Iloilo.
Nagbalik naman sang kahapon ang biyahe sang mga barko gikan Negros padulong iloilo kag vice versa.
Suno sa Coast Guard wala pa sang mando gikan sa RIATF nga pauntaton ang biyahe.