Ang public hearing isa ka consultation process, gani premature magsiling nga indi luyag sang mga pumuluyo sang Silay ang bulk water project sang probinsya.
Ini ang reaksyon ni Negros Occidental Provincial Administrator Rayfrando Diaz kasunod sang pahayag ni Silay City Vice Mayor Tom Ledesma nga sa inisyal nga feedback sa public hearing sa Brgy Guimbalaon, indi luyag sang mga nagtambong sa public hearing ang Bulk Water Project.
Para kay Diaz kuntani patapuson anay sang mga lokal nga opisyales ang proseso. Naga laum siya nga sa gihapon tigayon nga makumbinsi nila ang mga stakeholders sang importansya sang bulk water project upod na diri ang aksyon nga dapat ipatuman.
Dugang pa ni Diaz, ang water sources ang dapat nga mapaayo para makakuha sang clean and potable water indi lamang ang ini nga henerasyon kundi ang palaabuton nga henerasyon.
Ginsiling damlag pa ni Committee on Utilities chairperson, Silay City Councilor Mike Maravilla nga may natalana pa nga sunod nga public hearing.
Nasabat man sang mga tiglawas gikan sa bulk water project ang mga pamanagkot nga ginhaboy, pero ang balantayan kun bala na kumbinsi ang mga pumuluyo para sa gina duso nga proyekto suno kay Maravilla.*