608 cases sang inlfuenza-like illness ang na record sang Provincial Health Office.
Sa datus nga gin-release sang PHO humalin Enero tubtob Marso 2 sini nga tuig, may 608 ka kaso sang influenza like illness ang na-record, kag banwa sang Isabela ang may pinaka madamo nga kaso – 335.
Nagasunod naman ang Pontevedra nga may 145 ka kaso, Don Salvador Benedicto 62 cases kag San Carlos City 52.
May mga na-report man ang iban nga banwa kag siudad pero tig single digit lamang.
Suno sa PHO mga naga pang-edaron 1 to 10 years old ang kalabanan sa mga gin-report apektado sang influenza-like illness.
Ang influenza like illness nagatumod sa mga paghilanat, pag-ubo kag sore throat suno sa Department of Health.