32 ang napatay bangud sang leptospirosis sa probinsya.
Ini sandig sa December 10 nga datus sng Provincial Health Office. Masobra sa 190 percent ini nga mas mataas kun ipaangid sa kasubong nga tion sang 2021.
Suno kay Dr Jessica Fama, Medical Specialist 3 sang PHO, sang 2021, 11 ang leptospirosis deaths nga na record.
Sa December 10 nga datus nagdangat sa 228 ang leptospirosis cases sang Negros Occidental. 76 ang leptospirosis cases nga na record sa kasubong nga tion sang 2021. 200 percent ang ginsaka sa kadamuon sang kaso.
Ang leptospirosis ang masami naga ka kuha sa pag ubog sa baha. Gina abisuhan sang
Local health authorities ang publiko nga likawan ang pag ubog sa baha. Dapat mag gamit sang boots kun indi gid man malikawan. Mag inom sang prophylaxis sa sulod sang 24- 48 oras kun naka contact sa ano man nga contaminate sang ihi sang iliga.
Gilayon nga mag pakonsulta kun nakitaan sang sintoma kasubong sang hilanat, muscle pain labi na sa pusog-pusugan. Mag patuman man sang nagakaigo nga garbage disposal.