Nagsapol na ang Human Resource sang probinsya sa mga nurses angut sa circular sang Department of Budget Management nga naga apekto sa mga position sang nurse.
Suno sa gobernador, maga sakripisyo gid ang mga nurse bangud ang budget sang probinsya sa 2021 ang nasandig sa dbm instruction kun sa diin na downgrade ang position sang mga nurse magluwas sa nurse one.
Pero suno kay Lacson sa 2022, maga himo sang bag o nga mga position ang probinsya kun sa diin ang mga apektado amo ang patuhuyan.
Negatibo man ang nangin reaksyon sang mga nurse suno kay Lacson wala naman sila may maahimo pa kay nagasunod man lamang sila sang mando sang DBM.
Nag papanaaog sang circular ang DBM kun sa diin gin modify ang position sang mga nurse para mapatuman ang mas mataas nga minimum salary for entry level nurses.
Gikan sa Salary Grade 11 nga 22,316, ang entry level nurse ukon nurse one magabaton na sang salary grade 15 ukon 32,053 sumugod sini nga Enero.
Ugaling may provision sa amo nga memorandum nga naga downgrade sang mga position sang mga nurse.
Ang nurse 2 to 7 nag one rank lower sa amo nga title.
Ehemplo ang nurse 2 nga sadto anay naga baton sang 32,053 ang mahimo na nga nurse one sa kasubong sa gihapon nga sweldo.