Talakayon ni Negros Occidental Governor Eugenio Jose Lacson sa Provincial Veterinarian ang estado sang African Swine Fever sa probinsya.
Suno kay Lacson, sa pila na ka adlaw nga wala sang may na record nga hog deaths, luyag niya mapat-od kun bala yara pa sa gihapon sa cleansing ukon disinfecting stage ukon naga kaigo na nga mag patuman sang tikang angut sa recovery.
Humalin Agosto 24 tubtob kahapon, Setyembre 3, zero hog deaths ang na record sang Negros Occidental suno kay Dr Placeda Lemana, ang OIC Provincial Veterinarian.
Pero, antes sini, nag record na ang probinsya sang zero hog deaths humalin August 11 tubtob 22 kag nag report naman sang hog deaths gikan sa San Carlos kag Manapla sang Agosto 23.
Suno kay Lacson ang sentinelling, ukon ang pag sagod sang baboy sa mga lugar nga apektado kag pag monitor sini kun bala sarang na nga mabuhi bangud wala na sang masakit ang kabahin na sang tikang para sa recovery stage.