Nag abot na sa Negros Oriental ang 200 ka dugang nga PNP personnel gikan sa Police Regional Office 7 nga maga serbe nga dugang nga pwersa para sa gina paabot nga piniliay kasubong man maga augment may kaangtanan sa bulkan Kanlaon.
Suno kay COMELEC-NIR Director, Lionel Marco Castillano, sang Biyernes, Enero 31 nag abot sa Negros Oriental ang augmentation force.
Ini sila ang na pang deploy na sa nagkalain-lain nga mga banwa kag siudad sa Negros Oriental.
Paathag ni Castillano, ginpakamaayo na sang PNP nga mag deploy sang pwersa sa pag paseguro sang masulhay nga piniliay sa Negros Oriental.
Ginatutukan pa gid ang bulkan Kanlaon gani ang pag deploy sang kapulisan ang maga pabaskog sang disaster response efforts.
Dugang pa niya, mismo si Police B/Gen Redrico Maranan ang nag patigayon sang command conference agudto ma brief ang personnel sang ila nga mga katungdanan.
Sa karon wala sang dugang nga personnel para sa Negros Occidental. Samtang, magasapol man bwas, Miyerkules si Castillano sa mga election officer agudto mapasiguro ang ila nga compliance sa election contingency plan enkaso maglupok ang bulkan.
“Alam niyo naman ang Negros Oriental, since 2022, concern talaga ng National PNP yung security dito, although successful, peaceful yung Barangay Election natin. We could not rest on our laurels. Kailangan talaga ng additional dito kasi kulang talaga. At ina-anticipate na rin nila ang security kung sakali pumutok yung Kanlaon. Kaya PRO7 Regional Director, Gen. Maranan deemed it necessary to add 200”, suno kay Castillano.