Patay na sang mag abot sa ospital Dominggo sang gab-i si Arnaldo Bionat, matapos maglapaw sa kilid sang dalan sa Access Road sa banwa sang Manapla ang iya motor kag matumba.
Ang biktima ang principal sang Manapla National High School.
Suno kay Police Captain Jaynick Bermudez, hepe sang Manapla PNP, mahimo na miscalculate sang principal sa iya nga pagliko sa kurbada nga bahin sang dalan gani siya ang naglapaw kag natumba sa kilid sang karsada.
Suno sa PNP, nabunggo ang ulo ni Bionat sa dalan nga nag agum sang samad kag ini amo nag resulta sa iya kamatayon.